شيرين : اشتريت لحسام أغاني وعربية بعت ناس تسرقها

كشفت النجمة شيرين عبد الوهاب أن الخلافات بينها وبين زوجها السابق الفنان حسام حبيب وصلت لدرجة تهديده لها بعمل محضر في القسم، يتهمها فيه بسرقة سيارة قامت بشرائها له، سعيا منها للمحافظة على شكله الاجتماعي.

وقالت شيرين في مداخلة مع الإعلامية لميس الحديدي ببرنامج "كلمة أخيرة" المذاع عبر قناة ON: "أي حد عنده عربية عالية بيشتري عربية واطية عشان خروجات بالليل، فجبت عربية مرسيدس وقلت العربية دي هيركبها حسام، عشان عيب لما يوقفه سيادة الضابط أو أي حد في الشارع يلاقي الرخصة باسم مراته، فقلت له لازم تبقى باسمك".

وأضافت : "اتفق معايا بشهود يعمل توكيل عشاني بالبيع لضمان حقي، وكل ده طلع كلام في الهوا وتمثيل، لكن يبعت ناس تسرق العربية من قدام بيتي، ويقول للمحاسب إنه هيعمل محضر في القسم ويتهمني بسرقة العربية لو رفضت ياخدها!".

حسام حبيب وشيرين عبد الوهاب وتابعت : "اشتريت له أغاني بشهادة كل الشعراء والملحنين إن الشيكات رايحة باسمه، تروح البنت اللي شغالة معانا تقوللي على فكرة ممكن بكرا الصبح يعمل نسخة تانية لإن الأغاني باسمه".